Ang pagbebenta ng mga ari-arian ng taong bayan.

Kanino natin ipinagkatiwala at binigyan ng kapangyarihan upang patakbuhin ang ating bansa?

Sa Pamahalaan o Gobyerno… tama?!
Nagluluklok tyo ng mga mamumuno sa ating gobyerno sa pamamagitan ng eleksyon.

Pero nagagampanan ba nila ang dapat ay papel nila? Ang proteksyunan ang taong bayan…

Isa na rito ang pagproteksyon sa atin laban sa mga negosyanteng ganid sa pera at walang nais kundi magpayaman lamang.

Di magampanan ito ng ating gobyerno sa kadahilanang kulang sa pondo. Dahil sa kakulangang yan, kailangan nilang may pagkunan ng pondo at ang isa sa paraan ay ang pagbebenta ng mga korporasyong pag-aari natin, mga money generating company

Ang mga halimbawa na rito ay ang Power generating assests, Water system distribution company, Agricultural lands etc.

Sa aking palagay di dapat ibinebenta ng gobyerno ang ating mga ari-arian, sapagkat ito ang magiging dahilan ng ating paghihirap pagdating ng panahon.

Kapag naisubasta na ng gobyerno ang isang kumpanya, ang pribadong may pagmamay-ari ay nagkakaroon ng kapangyarihan upang itaas ang presyo nito, katulad ng kuyente at tubig. At sino ang papasan ng panibagong dagok? Syempre ang ordinaryong Juan Dela Cruz.

Ang dapat ginagawa ng gobyerno ay bumili pa nga ng mga ari-arian upang bumaba ng presyong ibinebenta nito. Ipasailalim sa CARP ang mga malalaking lupain at hatihatiin sa mga taong kumikita at nabubuhay sa pagsasaka.

Ibis na magbenta ay talagang dapat bumili pa sila, magdadala ang gayong sitwasyon ng kaginhawahan sa ating bansa at taong bayan.



Not for Sale
-batangkalye

Preso: Gala, lumaya at pinalalaya.

Excon former President Joseph Estrada, convicted child rapist former Rep. Romeo Jalosjos, convicted killer former Rep Jose Villarosa, convicted Priest killer-eater Norberto Manero at mga convicted Ninoy assassinators.

Sila ang mga Gala, lumaya at pinalalaya.

Ano ba ang meron ang mga taong ito at sila ang pinagkakaabalahan ng mga gobyerno at media?

Sila lang naman ang mga pormineteng tao o gumawa ng krimen sa isang kilalang tao.

Erap, excon sa kasong plunder, pinalaya for humanitarian reason at para magkaisa na ang Pilipinas. Teka! kung di naman dahil sa mga pulutikong matataas ang ambisyon di magkakagulo ah.

Jalosjos, Naghihimutok dahil sa naunsyaming paglaya. Kailangan na bang talaga siyang palayain? Sa tingin ko kailangan p syang pahinugin sa kulungan, kulang pa kasi ang pagpapatupad ng parusa.

Villarosa, May sakit na nawawala? Aba! Astig… kasalukuyang nasa ICU ng MMC at di alam ng mga awtoridad. Walang komunikasyong nang yayari sa panig ng mga kaanak at BurCor.

Manero, Ilang beses ng naudlot na paglaya. Dahil sa Pari ang pinatay at naging malaking balita nabuburo saya ngayon sa Multi.

Ninoy assassinators, Hinihiling na palayain, for health concern grounds, ummm…

Ganito ba talaga ka-bulok ang Penal system ng ating bansa? Oo nga’t maraming ikonsidera bago palayain ang isang preso, pero nasusunod ba ang mga ito?

Kung ikaw ay isang preso at prominenteng tao, na may kapit sa mga pulutiko… di ka pa nagtatagal sa kulungan ibaba na nila ang sintensya mo. At di maglalaon ay papalayain. Maluwag din ang pagbibigay ng mga pribilehiyo na dapat di ibinibigay.

At sa mga ito sino ang kawawa? malamang ang kanilang mga kapwa preso na di napagtutuunan ng pansin. Maraming ng tumatanda sa kulungan na kailangan na ring palayain pero walang nangyayari, kalimitan dun na inaabot ng kamatayan.

Sa aking palagay, walang reporma sa loob ng ating mga kulungan upang magbago ng tuluyan ang mga nagkakasala. Walang mga programa ang sumasaklaw dito.

Kailangang rebisahin ang mga panuntunan upang maging epektibo ang pangunahing dahilan kung bakit kailangan silang ikulong

Para sa kanilang pagbabagong buhay…

Buloklong
-batangkalye

Ang pagbabalik...

Marami na namang napapansin ang isang batang kalyeng katulad ko

I'm back!

Aytenchubow!
-batangkalye

Watch and learn…

Sinong may sabing hindi na magkakagulo sa pagpili ng pinuno sa sistemang parliamento? dahil daw sa parliamento kapag wala ng suporta ng mga mambabatas maaring palitan ano mang oras… katulad ng Argentina na nagpalit-palit ng limang pinuno nila sa loob lang ng isang linggo.

At ngayon… sa parliamentong sistema rin! Nagkaroon ng kudeta sa Thailand, pinatalsik ng Thai military si Thaksin Shinawatra.

Si Thaksin ay pinanawagan na noon na bumaba sa kanyang pwesto dahil sa mga alegasyong pag-abuso sa kapangyarihan at kurapsyon. Dahil sa kontrolado nya ang kapulungan… di sya mapalitan!

Ayaw ng santong pakiusapan… edi sa santong paspasan! May kasama pang mga tangke.
Nangyari ang take-over habang nasa New York si Thaksin at dumadalo sa isang pagpupulong ng UN.

Sana matuto tayo sa pangyayaring ito, na ang pagbalewala at pagmamatigas sa mga alegasyong di sinasagot ng mga tao sa ating pamahalaan ay may katapusan din.

Kailangang maging bukas ang adminstrayong Arroyo-Pidal o ang mga darating pang administrasyon sa mga tinig ng batikos! at kung hindi… malamang matulad sila sa mga bansang nagkakait ng karapatan sa mga tao na malaman ang katotohanan.

Kapag may simula, may katapusan din…
-batangkalye

Biyaya na galing sa bayan…

Ibinalik ng mga mambubutas este mambabatas ang 21 Bilyong pork barrel!
Nakikinikinita ko na ang mga ngiting demonyo ng mga Tongressmen na yan…

Tamang-tama naman ang panahon para ilagay ang sa 2007 budget ang 21 bilyong pork barrel ng mga “lawmakers” natin!

Ano ‘to?! Regalo sa mga saliri nila dahil di nila sinuportahan ang impeachment ni Misis Arroyo-Pidal!?

O!?

Preparasyon para sa darating na eleksyon sa May 2007? Kailangan na ba nila agad ng pondo para sa kampanya… ito e kung may eleksyong magaganap hehehe

Ang pork barrel na yan ang isa sa dahilan kung bakit marumi ang pulitika dito sa ating bansa. Kaw ba naman ang magkaroon ng pondo na kontrolado mo, aba ewan ko na lang!

Ikumpara ang NOON at NGAYON ng mga pulitiko… sobra-sobra ang pagkakaiba ng kanilang pamumuhay… di ko nilalahat ang mga pulitiko pero baka mabibilang na lang sa mga daliri ng isang kamay ang di gumawa ng kalokohan!

Kung susumahin natin, di naman talaga kailangan ng mga mambabatas ng pondo para sa kanilang constituents… dahil ilagay at gamitin lang ng matino ang pondo sa mga ahensya ng pamahalaan, napapakinabangan yon ng maayos.

At saan kukunin ang pork barrel? Syempre sa buwis ng taong bayan! ang malala pa dito kapag walang pondo, uutangin pa ng ating pamahalaan ang perang kailangan…. At tayo pa rin ang magbabayad!


Konsensya na saan ka na!? Utang na talaga…
-batangkalye

Nagkaka-aregluhan na ba?

Bago magpatuloy ang nagyaring hearing sa SUBIC rape case, nagwalk-out si “Nicole” at ang kanyang Ina sa dahilang kawalang silbi daw ng kanilang mga abogado.

Ano kaya yun!?
Talaga bang mahina ang mga abogado ng complainant o sadyang mahina talaga ang kasong isinampa nila sa mga sundalong kano!?

Kung matatandaan natin binitiwan din ng Atty. Legarda ang kasong yun… syempre may dahilan at yun ang di ko alam hehehe. Pero malamang sa hindi mahina ang kaso nila o may ibang adyenda mag-ina!

Maaari ring mangyari na nagkakaroon na ng aregluhan! Bakit? Kasi kulang-kulang dalawang buwan na lang ang natitira para tapusin ang paglilitis at kung hindi ay mababalewala ang kaso. Under Visiting Forces Agreement (VFA), kailangang tapusin ang anumang kasong kriminal na kinasasangkutan ng mga kano! At kung hindi ay mawawalan ng bisa ang kaso.

Kung papalitan ang mga state prosecutor siguradong madedelay ang paglilitis at maaring matapos ang 1 year na nakalaang hearing na walang desisyong maibibigay ang korte!

Ano ba talaga ang nangyayari sa mag-inang ito!?
Medyo malakas na nga ang laban nila tapos parang sila pa ngayon ang ayaw makipagtulungan!
Tapos ibinubunton nila ang sisi sa INCOMPETENT daw na state prosecutors! Na kung tutuusin ay nagbigay sa kanila ng malaking pabor para tanggapin at ilaban ang kaso…


I smell something malansa…
-batangkalye

Mga kontrata na pinapasok ng Gobyerno

Maraming proyekto ang ginagawa ng ating pamahalaan maging local man o nasyonal. Sa bawat proyekto, may kontrata ring dapat pasukin at dito nagkakaroon ng mga anomalya.

Maraming mga anomalya ang maaring gawin ng mga tao sa gobyerno! ewan ko ba kung bakit maraming gustong magkamal ng pera na galing sa masama!

Over Pricing! Ito ang malimit na mangyari!
Bakit? Kasi maraming nakakalusot sa ganitong paraan… ito ang pangungurakot na dadaan sa mga pribadong tao. Ang mangyayari, i-a-award ng gobyerno sa isang kontratisa ang kontrata tapos doon magyayari ang “isang magandang usapan”. Sa isang malaking pondo, ipagpalagay nating ¼ ang makukuha ng kontratista at ¼ din ang makukuha ng pulitiko. Magiging malinis ang pera! Kasi dumaan ito sa isang pribadong kontratista o kumpanya.

Ang maapektuhan ay ang kalidad ng proyekto! sa dahilang mababang kalidad ng mga materyales ang ginagamit! At wala pang ilang taon nasisisra na agad!

Minsan sa pag-a-award pa lang ng kontrata ng diumano ay “nagkaroon ng bidding”, nagkakaroon na ng anomalya!

May bidding nga kaso isang kumpanya lang naman ang pinapasok o marami ngang kumpanya kaso dummy lang!

Ang ikinasasama ng loob ko! O maging sa mga nakakaalam… lalabas ang mga anomalya kapag tapos na ang proyekto! sa madaling salita nagawa na ang proyekto, nakapaglabas na ng pondo tapos di naman pala mapapakinabangan!

May mga ahensya naman tayo ng gobyerno na nagmomonitor katulad ng SEC(sa bidding process), COA(paggamit sa pondo)… at kapag may kaso na ang ombudsman! Kaso parang wala silang silang silbi!

May pag-asa pa tayong tumino… kailangan lang ng matinong pamumuno at isang tabi ang pansaliring mga hangarin.

Hangaring magkamal ng pera galing sa utang sa ibang bansa na binabayaran ng taong bayan! Kahit di pa ipinapanganak ay may utang na!


Utang na talaga!
-batangkalye

Espiya ng AFP

Nagkaroon ng pagdinig ang Committee on Human Rights ng Kongreso upang makahagilap ng impormasyon tungkol sa mga biktima ng extrajudicial killing at pagkawala ng mga miyembro ng miletanteng grupo.

IN AID OF LEGISLATION inimbitahan ng komite ang mga opisyal ng Gobyerno at pamilya ng mga diumano’y biktima. Dahil sa MC108 na naglilimita sa mga opisyal ng gobyerno ng dumalo sa mga pagdinig ng Senado at Kongreso, hindi sumipot sa pagdinig sina:

1. Defense Secretary Avelino Cruz and
2. Retired Maj. Gen. Jovito Palparan
3. Presidential Adviser Jesus Dureza
4. National Security Adviser Norberto Gonzales
5. Justice Secretary Raul Gonzalez
6. AFP Chief of Staff Gen. Hermogenes Esperon

Hindi dumalo ang mga nasabing opiyales!
PERO nagpadala naman ng dalawang espiya… na sina Sgt. Julius Seriosa and Sgt. Cirilo Calaycay ng Armed Forces of the Philippines Civil Relations Service

Ang dalawang nabanggit na espiya ay may pumuta sa pagdinig ng komite at nagpanggap na sibilyan na may dalang video camera. Umanin ang dalawa na nagpag-utusan lang sila ng kanilang superior!

Para saan at ano naman kaya nila ang dahilan kung bakit kailangan nilang kunan ang mga pamilya ng biktima?

Lalong magbibigay ng takot at kawalang katahimikan ang pangyayaring iyon sa mga pamilya ng mga biktima!

Mabuti na lang at nahuli at kinumpiska ang kanilang dalang camera! Kung hindi maaring gamitin iyon para maipanakot at maging dahilan upang maggipit.

Anong laro naman kaya ang gusto ng Administrasyong Arroyo-pidal!!!?
Hindi naman natin alam ang kanilang tunay na intesyon pero siguradong nakakabahala ang pag-eespiya!

Maari itong maging dahilan ng pagsikil sa kalayaan at pagsakal sa demokrasya ng mga taong tumutuligsa sa kasalukuyang Gobyerno.

Ano naman kaya ang susunod….? Malalaman din natin yan!

Nakakabahala na talaga
-batangkalye

Patuloy na nagtatagumpay...

Limang taon na ang nakakaraan ng pabagsakin ng mga terorista ang dalawang matatayog na building ng World Trade Center sa New York. Ito na ang pinaka malalang pagsalakay ng mga tererista sa US o marahil sa buong mundo… nagtagumpay sila sa madaling salita!

Nagbigay at nagbukas ang pangyayaring iyon sa ating mga kamalayan na hindi na safe ang mundo kung di tayo kikilos upang mapigilan ang kanilang mga masasamang balakin.

Ang 9/11 terror attacked din ang nagbigay ng lisensya sa US upang salakayin ang mga bansang noon pa man ay sumusuporta na sa mga terrorist connections… di dapat pero makapangyarihan talaga sila, walang makapigil kahit UN!

Kailangan talaga ng US na makabawi…

Nakakalungkot… pero makatotohanan na PATULOY pa ring nagtatagumpay ang mga terorista…

bakit?
Nabigay sila ng takot sa ating mga puso, tinanggal ang katahimikan sa ating mga pag-iisip lalo na sa mga lider ng ibat-ibang bansa…

Pinigil ang paghahatid ng mga pangunahing pangangailangan sa mga taong bayan! Bakit uli?
Kasi imbes na ilaan ang pondo sa mga tao at sa kanilang mga pangunahing pangangailangan e napupunta na lamang sa kampanya laban sa terorismo!

Nagtagumpay sila… at patuloy na nagtatagumpay!
Hanggang kailan? Yan ang katanungan…


Mapigilan na sana
-batangkalye

Trip to US

Maraming mga kababayan natin ang naghahangad na makaranas ng magandang pamumuhay.
Ang mga Pilipino ay sana’y sa hirap at kung bibigyan ng pagkakataon upang makatakas sa paghihirap na ito, siguradong sasakmalin agad yon!

Alam nating mga Pilipino na mahirap makamtan ang kaginhawahan sa buhay sa mga panahong ito. At ang iniisip ng iba ay mangibang bansa… isa sa destinasyon na sa karamihan ay nais mapuntahan ay ang America, sa US!

Ang hangad at ang gagawin sa US?
Maging disiplinado, makapagtrabaho, makaipon ng pera, makapamuhay ng masagana at tahimik. Sa mga nabanggit! Kayang-kaya ng Pinoy yan! Yun nga lang sa ibang US at hindi dito sa Pinas!

Magkumpara tayo, pero lagyan natin ng konting twist…
Senaryo: Bibigyan ng malaking malaking malaking pera ang mga Pinoy… para makatakas sa kahirapan, destinasyon: US.

Mga Pinoy 1:
Pagkatanggap ng pera, itong mga Pinoy na ito ay walang sinayang ng sandali. Kumuha agad ng passport, nag-apply ng US Visa(nahintay hanggang sa ma-aprobahan), bumuli ng ticket sa eroplano.

At sa maikling panahon, walang paligoy-ligoy, direcho agad sa US! New York! Susyal!

Mga Pinoy 2:
Pagkatanggap ng pera, itong mga Pinoy na ito ay walang sinayang ng sandali. Kumuha agad ng passport, nag-apply ng US Visa(nahintay hanggang sa ma-aprobahan), bumuli ng ticket sa eroplano.

Itong mga Pinoy na ito, iba ang takbo ng isip… di masyadong nagmadali. Bago dumaretcho ng US(sa New York din, susyal talaga!), nag-libot muna sa iba pang bansa… (aba namasyal pa!), dumaan ng France, Australia, Japan, Singapore at kung saan-saan pa!

Mga Pinoy 3:
Pagkatanggap ng pera, itong mga Pinoy na ito ay walang sinayang ng sandali. Kumuha agad ng passport, nag-apply ng US Visa(nahintay hanggang sa ma-aprobahan), bumuli ng ticket sa eroplano.

Kakaiba itong Pinoy na ‘to, hindi nya ginamit ang passport, Visa at Plane ticket. Ginamit nya ang pera sa mas magandang pamamaraan. Sa laki ng Pera, nagtayo ng mga negosyo, nagbigay ng trabaho sa mga Pinoy, nagpasweldo ng malaki. Ginamit nya ang pera sa kumunidad, ipinaayos ang mga bahay, pinaganda ang kapaligiran, naghimok ng maging disiplinado ang mga tao.

At nagtagumpay mga Pinoy sa magandang hangarin…

Masarap umasa na darating din ang panahon at mangyayari ang ginawa ng “Mga Pinoy 3”. Dahil sa sapat na pera, nakatulong pa sila sa mga ibang tao. Napaunlad ang pamumuhay hindi lang sa kanila pati na rin sa iba.

Hindi man nakarating sa US ang “Mga Pinoy 3” sa paligoy-ligoy na kanilang ginawa… pinagmukhang New York nila ang Pinas. Naging disiplinado ang tao, nagkatrabaho, nagkaroon ng masagana at tahimik na pamumuhay.

Sana maraming “Mga Pinoy 3” pang natitira at simulan na nila ang pag-iisip sa kapakanan ng nakakarami… at pang matagalan


Sana nga
-batangkalye

Sabay-sabay na paglutas

Maraming tao na may krisis sa buhay at ang itinuturing dahilan ay ang kahirapan.

Kawawang “kahirapan” laging nasisisi…

Sa estado ng ating bansa sa ngayon, ano ba ang dapat gawin ng gobyerno at nating mga nagpapasulwedo sa kanila para “mabawasan” ang kahirapan sa ating bansa?

Sabi nila kailangan daw natin ng pera! Oo nga naman kapag may pera ka madali ng mabuhay ng walang kahirap-hirap.

Pero paano tayo magkakaroon ng pera?
Syempre kailangan nating magtrabaho upang kumita ng pera. Kailangan ng gobyerno na lumikha ng maraming trabaho upang marami ang magbanat ng buto.

May trabaho nga,pero mababa naman ang pasahod kulang pang pantustos sa pang-araw-araw na pangangailangan…

ano ang dapat gawin? Edukasyon!
Dapat pagtuunan natin ang edukasyon, dahil mas mataas ang pinag-aralan mas maganda ang trabaho at mas malaki nag sweldo.

Ang dapat gawin gobyerno ay makapagbigay ng magandang edukasyon sa mga tao, tustusan nila ang sambayanan upang makapag-aral.

Para matustusan ng gobyerno ang edukasyon kailangang maglaan ng sapat ng pondo, sa madaling salita PERA.

Kung susumahin nating lahat, umuikot lang ang bawat dahilan.

Pera-Trabaho-Edukasyon-Pera

May sanga-sanga pang dapat pagtuunan ng pansin.

Para makapagtrabaho ng matino kailangan ng PAG-KAIN, kailangan pa rin ng pera!
Para matustusan ng gobyerno ang lahat ng tao, kailangang masolusyunan ang POPULASYON, kailangan ng edukasyon, sa edukasyon kailangan ng pera!

Kailangan na Gobyerno ng pondo sa bawat problema, pero pano magkakaroon ng pondo kung walang buwis buhat sa mga nagtatrabaho?

Gustuhin man nating matanggal ang salitang “kahirapan” di natin ito magagawa kung isa-isa lamang ang pagtutuunan ng pansin

Kailangan ang sabay-sabay na paglutas. Yan ang silbi ng mga ahensya ng gobyerno. Pero ano ang nangyayari? Nangingibabaw ang pangsaliring intensyon sa bawat isa sa atin, kurapsyon sa gobyerno! sakim sa kapangyarihan!

Kailangan nating magtulong-tulong hindi lang pulong-pulong na walang nararating.


sabay tayo
-batangkalye

Pakikiramay

Nung isang araw pinatay ng mga anti impeachment Tongressmen ang impeachment case laban kay PGMA.

Di nagtagal… at talagang napakabilis, INEMBALSAMO nila agad ito at gumawa agad ng Death Certificate o committee report ang mga Crocodile ng Committee on Justice.

Super speed Railroading daw ika nila… Parang 100kph na proposed train sa kontrobersyal na North Luzon Railway Project.

Sa sobrang bilis, kagabi ay PINAGLAMAYAN ng mga Tongressmen ang death certificate este ang Justice Committee Report upang pagbotohan kung kailangan na talagang i-CREMATE o ibaon sa limot ang impeachment case laban kay Gloria.

Nagkaroon pa ng mahabang pagtatalong EULOGY, bumaha ang kape dahil sa tutulog-tulog at walang interest na Majority Tongressmen. Naglabas pa ng tatlong balot si “Distiguish Gentleman form Pateros” Representative Allan Peter Cayatano at ibinilay sa isang Horrorable Tongressman(ano nga ba ang pangalan nun? Ah basta!)

At sa loob ng 17-oras at sa botong 173-32… tuluyan ng inilibing ng KAMARA ang impeachment case laban kay Misis Arroyo-PIDAL.

Sa IMPYERNO kaya ang punta nun?
Basta ang alam ni JDV: “She(PGMA) was in high heavens”

Talagang ganyan marami ang maka-administrasyon, ika nga nila numbers game e… “jueteng – jueteng” lng yan.


Condolence
-batangkalye

(MC)Memorandum Circular No. 108.

Isang MC ang ipinalabas ng Malacañang, ang Memorandum Circular No. 108, ngayon lng ako nakarinig ng ganito akala ko nga Malacañang Circular ang ibig sabihin ng MC e.

Ano nga ba ang Memorandum Circular No. 108?

Ito ang anak ng EO464, na nagtatatag ng mga alintuntunin sa pagdalo ng lahat ng kawani ng Gobyerno na under ng Pangulo sa mga pagdinig ng Kongreso at Senado.

Ano ang gustong palabasin ng Sircular na ito ha!? Na kayang baliwalain ng Malacañang ang kapangyarihan ng Senado? Ang dating kasi e, parang inuutusan ng mga taga palasyo ang mga senador at kongresman.

Para sa akin isa itong palatandaan ng unti-unting pagpatay sa ating demokrasya, bakit? Napipigilan ng mga ganyang sirkular ang paglabas ng katotohanan na dapat nalalaman natin, karapatan natin yun!

Sa karapatang nating malaman ang katotohanan sa mga anomalyang nangyayari sa pamahalaan, ang kongreso at senado ang tumatayong representate natin.

Oo nga, na dapat di inaaksaya ng mga senador ang kanilang oras sa mga inbestigaston IN AID OF LEGISLATION, pero kung wala sila ano ang palagay nyong mangyayari? Syempre lalong lalakas ang pag-aabuso ng mga taong walang konsensya!

Ang EO464 ang idineklara ng korte suprema ng illegal sa ilang bahagi nito, tapos narito na ngayon ang bagong tahasang pagsuway ng Malacañang… nababastos na ang mga Senado pati ba naman ang korte Suprema?


Pasaway talaga!
-batangkalye

Ninoy Aquino killers: Presidential Pardon?

23 years nang nakakulong ang mga pumatay kay Ninoy, ngayon humihingi na sila ng Presidential Pardon katulong ang Volunteers Against Crime and Corruption(VACC).

Dapat bang bigyan ng Pagpatawaran ang mga taong ito?

Sa aking palagay di pa dapat, kasi marami pang mga katanungan na hindi nasasagot.
Katulad ng:

1. Sino ang nag-utos sa kanila? Ang Mastermind?
2. Sino ang mga kasabwat?
3. Talaga bang inaamin nila na sila ang nagplano ng pag-a-assassinate?

Upang patawarin sila, kailangan muna silang makipagtulungan sa pamahalaan at hindi si Galman na patay na ang kanilang sinisisi, ewan ko ba dito sa VACC na ‘to at kailangan pa nilang tulungan ang mga convicted killers.

Pero, hindi rin natin masasabing sila na nga, bakit? Kasi nasa under pa ni Marcos ang paglilitis ng mga panahon na yun di ba?

Kung sakaling makipag tulungan naman ang mga convicted na sundalo, magiging kapanipaniwala pa ba naman yun? Malamang hindi na, kasi nga ang matagal na panahon na ang nakalipas… PANIS na e!

Mahirap kalimutan ang mga pangyayaring nagpabago sa ating bansa, parang tinanggalan tayo ng pag-asa noong mga panahon na yun.

Sana lumabas na ang katotohanan at sana, di pa huli ang lahat… at kung sakali nga, makakamtan na natin at ni Ninoy ang hustisya.


sana nga...
-batangkalye

She(GMA) was in high heavens – JDV ngek!

She(GMA) was in high heavens – JDV , anak ng pating talaga oo! habang nagsasaya si Arroyo sa pagkakalusot niya sa impeachment dahil sa mga walang kwentang mga Tongressman, ayun ang ating mga kababayan sa Guimaras at di magkanda ugaga sa paglilinis ng mga tumagas na langis habang di pa napipigilan ng ilang libong litro pa na lumabas sa lumubog na barko!

Pero sa akin, medyo OK na nabasura ang impeachment complaint para kaya GMA… bakit? Kasi gugulo na naman ang ating bansa e… medyo tahimik na nga ngayon at lumalakas na ang ekonomiya kung pagbabasihan ang exchange rate.

Nga pla speaking of exchange rate, lumalakas nga ba ang Piso laban sa dolyar dahil malakas na ang ekonomiya natin o sadyang mahina lang talaga ang ekonomiya ng US? Dahil sa hinihintay na maging stable ang impletion rate nila(impletion rate nga ba yun? Im not sure hehehe).


Basta wag tayong maging kampante tapos!
-batangkalye

Galaw-galaw at baka mahuli na ang lahat!

Napakaraming hinaharap na problema ang ating bansa, pero parang walang ginagawa ang ating mga otoridad. Ang problema kasi sa atin, di lang sa gobyerno pati na rin sa atin bilang mamamayan ng bansang Pilipinas, gagalaw lang tayo pag may nangyari na! Epidemya, Crimen, Aksidente, Disaster sa kalikasan na dahil sa mga pinaggagagawa ng mga taong pasaway!


Pauna lang yan… ang ikinahihimutok ko ay yung aksidente sa karagatan ng Guimaras!


Ang barkong Solar I ay lumubog sa karagatang ng Guimaras, e ano ngayon? Sanay na naman tayo sa mga 2nd or3rd o 4th hand na mga barkong lumulubog! Oo nga sanay na tayo pero ito kakaiba!

Ang barkong solar I ay may dalang 2 milyong litro ng langis! na ngayon ay tumatagas sa karagatan! Di pa nalalaman ng ating mga otoridad kung ilang litro na ang umaalagwa sa dagat, pero kung susumahin ang pinsalang nagawa siguradong napakarami ng tumagas na langis!

Apektado na ang humigit 15 kilometriko kwadradong coral reefs, 200 kilometriko ng baybaying dagat, 1000 ektaryang marine reserves, 50 ektarya ng seaweed plantation at dalawang isla mga ng resorts! ang dami!

O ayan na nga nangyari na… pero hindi handa ang ating bansa sa ganyang trahedya. Kailangan pa nating humingi ng tulong sa karatig bansa sa Asya katulad ng Japan at Indonesia.

Sa ngayon, pinapanood lang ng ating mga otoridad ang pagtagas ng langis, puro assessment, di mag-isip ng mga paraan para maagapan ang tinatayang mahigit sa isang milyong litro pa na di kumalat sa karagatan.

Kailangan na nating kumilos habang maaga pa! hanggat di pa umaabot sa Boracay ang trahedyang ito.

Nakakabanas lang, wala tayong magawa…


Anak ng pating!
-batangkalye

Ang batang kalye...

Kahit saan, kahit kailan, naririyan! ang batang kalye.
pagala-gala, gutom, makulit...

Pagala-gala..., ang mga paa at mata sa takbo ng kapaligiran.
Gutom sa pagbabago na nararapat maranasan ng sangkatauhan.
Makulit na kritikong pag-iisip ang gustong ipahatid.


Ako! ang manunulat sa blog na ito, Ang Batang Kalye.

Ang http://batang-kalye.blogspot.com/ ay ginawa upang magkaroon ako ng daan para maisambulat ko ang aking nararamdaman sa mga napapanahong pangyayaring di lang dito sa ating bansa kundi sa buong mundo. Ito ang magiging daan upang nakapagbigay ako ng kuro-ruro sa mga simple at matitinding eksena na parang pelikulang takbo ng ating pamumuhay.

Pauna at Paunawa: Ang aking mga isasabulat dito ay OPINYON ko lamang(playing safe nyahahaha), at ang aking mga basihan ay nanggagaling sa Radio, Dyaryo, Telebisyon, Internet. Kung gusto nyong magreact sa aking mga isinulat, maaari po lamang magkomento sa bawat post, matatanda na kayo... alam nyo na kung paano gawin yan!

Maraming salamat
-batangkalye